Heimeside for Oddvar Aursnes

Namnet kjem antakelig av at fjorden er sekkeforma; sykk = sekk, ylven = fjord

Fakta om Sykkylven

Sykkylven grensar i aust til Stordal og Stranda og i sørvest til Ørsta. Nord for Storfjorden ligg kommunane Ålesund, Skodje og Ørskog. Folketalet i kommunen har vore stabilt, men jamt stigande, og ligg i dag på rundt 7500.

Hovudnæringa i Sykkylven er industri, med hovudvekt på møbelindustri. Dei mest kjente fabrikkane er Ekornes, Hjellegjerde, Brunstad og L.K. Hjelle.

Men i Sykkylven fins det også andre industrigreiner. Det vert produsert transformatorar, vifter og rister til skip og oljeinstallasjonar, emballasjeprodukt, stålkomponentar, bygningsprofilar, baderomsinnreiing, bade/boblekar med meir. Her er eit nettverk av underleverandørar og servicebedrifter, design-, arkitektkontor og firma som arbeider med marknadsføring. I kommunen har vi også ein vidaregåande skule som m.a. utdannar fagarbeidarar til industrien

Av attrakasjonar i Sykkylven kan eg nemne

• Sykkylven naturhistoriske museum : Dette er det einaste museumet av sitt slag i Møre og Romsdal med 260 dyr og fuglar frå Noreg og Svalbard. Her finn du mellom anna utstoppa isbjørn, moskus, elg ,gaupe,bjørn ,ugler, ørner og falkar.
• Norsk møbelfagleg museum er eit nasjonalt dokumentasjons- og utstillingssenter for møbelindustrien.
• I nærheten av Aursnes fergekai finns det gravrøyser frå jernalderen.
• Ikornnes Båtforening : Badeanlegg og restaurant. (ligg ved Ekornes fabrikker)

Kristofer Randers, var ein en dansk poet og fjellklatrar som reiste rundt på Sunnmøre på slutten av 1800-talet. Om Sykkylven skriv han mellom anna dette:

"Sykkylven er kanskje det vakreste av alle Sunnmøres landskaper. Hva som betinger dette, er ikke noe enkelt - ikke fjorden - ikke fjellene, ikke breene, ikke dalen - men alt dette i forening, den harmoniske blanding av det storartede med det smilende "

Til slutt avsluttar eg med ei helsing til Sykkylven:

Heimbygda av Henrik Straumsheim